इगतपुरीनामा न्यूज – समाजातील सर्व घटकांमध्ये आपुलकी आणि आनंदाचे वातावरण निर्माण करण्याच्या उद्देशाने ‘श्री जनसेवा प्रतिष्ठान, इगतपुरी’च्या वतीने आज आदिवासी वस्ती, शेणीत ( ता. इगतपुरी ) येथे एका आगळ्या-वेगळ्या रक्षाबंधन सोहळ्याचे आयोजन करण्यात आले. या कार्यक्रमात १० लहान मुलांना नवीन कपड्यांचे वाटप करण्यात आले. त्यामुळे या चिमुरड्यांच्या चेहऱ्यावर रक्षाबंधनानिमित्त मोठा आनंद पाहायला मिळाला. या सामाजिक आणि प्रेरणादायी उपक्रमाला भाजपाचे जिल्हा सचिव तानाजी जाधव, शिवाजी जाधव, गौतम दर्डा, शैलेश शर्मा, इगतपुरीचे नगरसेवक किरण फलटणकरइत्यादी प्रतिष्ठित मान्यवर उपस्थित होते. या संपूर्ण उपक्रमाच्या यशस्वी आयोजनासाठी प्रसाद दर्डा यांचे मोलाचे सहकार्य लाभले. या उपक्रमाच्या माध्यमातून ‘श्री जनसेवा प्रतिष्ठान’ने प्रेम, माणुसकी आणि सामाजिक बांधिलकीचा एक सुंदर संदेश देत समाजाच्या सुख-दुःखात सदैव सहभागी होण्याचा आपला वसा पुन्हा एकदा अधोरेखित केला आहे.
