इगतपुरीनामा न्यूज – टाकेद बुद्रुल येथील काशाईमाता मंदिर परिसरात रात्रीच्या सुमारास पत्रकार शांताराम भांगे यांच्या गाडीच्या काचा अज्ञात इसमाने फोडल्याची धक्कादायक घटना समोर आली आहे. या घटनेत वाहनाचे मोठे नुकसान झाले असून, परिसरात खळबळ उडाली आहे. पत्रकार शांताराम भांगे यांनी आपली गाडी MH 15 HQ 5014 काशाईमाता मंदिराजवळ पार्क केली होती. रात्रीच्या वेळी अज्ञात व्यक्तीने गाडीच्या काचा फोडून वाहनाची तोडफोड केली. हा प्रकार नेमका कोणत्या कारणातून करण्यात आला हे अद्याप स्पष्ट झालेले नाही. घटनेनंतर विविध चर्चांना उधाण आले आहे. हा प्रकार चोरीच्या उद्देशाने झाला की अन्य कोणत्या कारणातून गाडीला लक्ष्य करण्यात आले, याचा तपास होणे गरजेचे आहे. या घटनेचा उलगडा करण्यासाठी मंदिर परिसर तसेच आसपासच्या भागातील सीसीटीव्ही फुटेज तपासणे महत्त्वाचे ठरणार आहे. फुटेजच्या आधारे अज्ञात व्यक्तीची ओळख पटण्याची शक्यता आहे. पत्रकाराच्या वाहनाच्या काचा फोडून करण्यात आलेली तोडफोड ही गंभीर बाब असून, पोलिसांनी घटनेची गांभीर्याने दखल घेऊन अज्ञात आरोपीचा शोध घेऊन योग्य ती कायदेशीर कारवाई करावी, अशी अपेक्षा व्यक्त होत आहे. व्हिडीओ बातमी पहा https://youtu.be/wgUR0tEKOt0?si=1qvcW4UjOPHbvnIu
