इगतपुरीनामा न्यूज – सांजेगाव शिवारातील हॉटेल हिरवी मिर्चीच्या गेटजवळ भरधाव कारने एका महिलेला जोरदार धडक दिल्याची घटना मंगळवारी दुपारी घडली. या अपघातात रुपाली निलेश पाटील (वय ३५, रा. फडोळ मळा, कामटवाडे नाशिक) यांचा मृत्यू झाला आहे. मंगळवारी १८ ऑगस्टला दुपारी १ वाजता सांजेगाव शिवारातील हॉटेल हिरवी मिर्चीच्या गेटजवळ हा अपघात झाला. MH 03 AR-5452 क्रमांकाच्या कारने रुपाली पाटील यांना जोरदार धडक दिली. या धडकेत त्यांच्या छातीसह हातापायांना गंभीर दुखापत झाली. उपचारादरम्यान त्यांचा मृत्यू झाला. या प्रकरणी मृत महिलेचा भाऊ अमोल रविंद्र पाटील यांनी वाडीवऱ्हे पोलीस ठाण्यात फिर्याद दिली आहे. त्यांच्या फिर्यादीवरून कारचालक दिपक शिवाजी सैंदाणे रा. फडोळ मळा, कामटवाडे नाशिक याच्याविरुद्ध गुन्हा रजिस्टर क्रमांक २३७/२०२६ नुसार भारतीय न्याय संहिता (BNS) कलम २८१, १०६(१), १२५(a)(b) तसेच मोटार वाहन कायदा कलम १८४ अन्वये गुन्हा दाखल केला आहे. अपघातानंतर पोलिसांनी घटनास्थळी पंचनामा व आवश्यक तपासाची कार्यवाही केली असून फॉरेन्सिक व्हॅनही घटनास्थळी बोलावण्यात आली होती. या प्रकरणाचा पुढील तपास सुरु झाला आहे. या घटनेमुळे सांजेगाव परिसरात हळहळ व्यक्त होत असून अपघाताच्या नेमक्या कारणांचा पोलीस तपास करीत आहेत.
