इगतपुरीनामा न्यूज – इगतपुरी तालुक्यात ‘छत्रपती शिवाजी महाराज महाराजस्व समाधान शिबीर अभियान सुरु आहे. त्यानुसार शुक्रवारी १० मार्चला गोंदे दुमाला येथे लक्ष्मी लॉन्स येथे हे शिबीर होणार आहे. अभियानात नागरिकांच्या विविध शासकीय प्रश्नांचे तात्काळ निराकरण करण्यावर भर दिला जाणार आहे. या शिबिरामध्ये शेतकरी, ज्येष्ठ नागरिक, विद्यार्थी व महिला यांना तुकडेबंदी नियमाधीकरण, वर्ग २ जमिनीचे वर्ग १ जमिनीत रुपांतरण, जिवंत ७/१२ अंतर्गत ७/१२ दुरुस्ती, नवीन व दुय्यम रेशनकार्ड, पीएम किसान व ॲग्रीस्टॅक योजनेची नोंदणी, शेतरस्ते व पाणंद ररते खुले करणे, उत्पन्न, जात, नॉनक्रिमीलेअर व इतर प्रमाणपत्र, संजय गांधी, इंदिरा गाधी, श्रावणबाळ योजनेचे लाभ, ई-हक्क प्रणाली अंतर्गत वारस नोंदी, प्रलंबित फेरफार नोंदी निपटारा,बिनशेती व भुसंपादन क.जा.प अंतर्गत ७/१२ दुरुस्ती, गोपीनाथ मुंढे शेतकरी अपघात विमा प्रमाणपत्र वाटप, कृषी यंत्राचे लाभवितरण, सर्वासाठी घरे अंतर्गत घरकुल योजना, आरोग्य तपासणी शिबीर, ई-जमिन मोजणी, बिनशेती कायदा सुधारणा माहिती या विविध योजनांचा लाभ घेता येणार आहे. यावेळी विविध शासकीय सेवा एकाच ठिकाणी उपलब्ध करून दिल्या जाणार आहेत. विशेष म्हणजे या शिबीरामध्ये तुकडेबंदी कायद्याअंतर्गत खरेदी विक्री झालेल्या नोंदी नियमित करण्यात येणार आहे. या शिबिरात शेतकरी, विद्यार्थी, महिला व जेष्ठ नागरिकांनी जास्तीत जास्त शासकीय सेवांचा लाभ घेण्याचे आवाहन सहाय्यक जिल्हाधिकारी तथा इगतपुरी त्र्यंबकचे प्रांताधिकारी डॉ. जी. व्ही. एस पवनदत्ता, इगतपुरीचे तहसिलदार अभिजीत बारवकर यांनी केले आहे.