इगतपुरीनामा न्यूज – इगतपुरीत दहावीच्या परीक्षेचे हॉल तिकीट घेण्यासाठी जाणाऱ्या अल्पवयीन विद्यार्थिनीची तीन मुलांनी छेड काढली आहे. मोटर सायकलवर आलेल्या तीन मुलांनी तिला रस्त्यात अडवून तिची छेड काढली. तू खूप सुंदर दिसतेस, मला हा म्हण नाहीतर मी तुला किडनॅप करेन असा दम देत तिला शिवीगाळ सुद्धा करण्यात आली. मुलीने तिच्या ओळखीच्या व्यक्तीच्या मोबाईलवरून पालकांना संपर्क करून सविस्तर माहिती दिली. पालकांसह मुलीने इगतपुरी पोलीस ठाण्यात येऊन संबंधित ३ जणांच्या विरोधात फिर्याद नोंदवली आहे. त्यानुसार गिरनाईवाडी, त्रिंगलवाडी येथील तीन मुलांवर इगतपुरी पोलीस ठाण्यात पोस्को अंतर्गत गुन्हा दाखल करण्यात आला आहे. अधिक तपास कसून सुरु करण्यात आला आहे. एल्गार कष्टकरी संघटनेच्या पाठपुराव्यामुळे ह्याबाबत गुन्हा दाखल झाल्याने पालकांनी समाधान व्यक्त केले.
