इगतपुरीनामा न्यूज – इगतपुरी तालुक्यातील नांदगाव बुद्रुक येथील ग्रामस्थांचे श्रद्धास्थान असणाऱ्या ग्रामदैवत जगदंबा मातेचा आज यात्रौत्सव होत आहे. यानिमित्त विविध धार्मिक कार्यक्रमांचे आयोजन करण्यात आले असल्याची माहिती समस्त ग्रामस्थांनी दिली. मंदिराला रंग रंगोटी, आकर्षक विद्युत रोषणाई करण्यात आली आहे. आज सकाळी जगदंबा मातेची ३१ जोडप्यांच्या यांच्या हस्ते पूजा करण्यात आली. आज दुपारी चार वाजता यात्रेनिमित्त आई जगदंबा मुकुटाची शोभायात्रा काढण्यात येणार आहे. सकाळपासूनच ग्रामस्थांनी उत्सवाच्या कार्यक्रमात सहभाग घेतला. महिलांनी आपापल्या अंगणात रांगोळीचे सडे टाकले होते. नांदगाव बुद्रुक येथे गेल्या अनेक वर्षांपासून आई जगदंबेचे मंदिर भक्तांना प्रेरणा देणारे आहे. अनेकांचे नवस पूर्ण होत असल्याची ग्रामस्थांची भावना आहे. उद्या शनिवारी ७ तारखेला दुपारी ३ वाजता कुस्त्यांची दंगल होणार आहे.
