इगतपुरीनामा न्यूज – इगतपुरी तालुक्यातील धामडकीवाडी जिल्हा परिषद प्राथमिक शाळेत २६ जानेवारीच्या शुभ दिनी विविध सामाजिक उपक्रमांचे नूतनीकरण व हस्तांतरण समारंभ उत्साहात संपन्न झाला. या उपक्रमांमुळे शाळेच्या भौतिक व शैक्षणिक सुविधांमध्ये लक्षणीय भर पडली आहे. ‘सुरक्षा’ उपक्रम अंतर्गत शाळेतील विद्यार्थी, विद्यार्थिनी व शिक्षकांसाठी सुसज्ज, स्वच्छ व सुरक्षित शौचालय व्यवस्था उपलब्ध करून देण्यात आली. ‘जलयुक्त शाळा’ उपक्रमांतर्गत पिण्याच्या पाण्यासाठी सुविधा, वॉटर फिल्टर, हात धुण्याची सुयोग्य व्यवस्था करण्यात आली. विद्यार्थ्यांच्या आरोग्यासाठी या सुविधा अत्यंत उपयुक्त ठरणार आहेत. ‘आशा’ उपक्रमांतर्गत शाळेतील ‘कृती केंद्र’ नूतनीकरण करून विद्यार्थ्यांसाठी अध्ययनाला पोषक वातावरण निर्माण करण्यात आले. या उपक्रमांमुळे शाळेच्या सर्वांगीण विकासाला चालना मिळेल, असा विश्वास उपस्थितांनी व्यक्त केला.
सर्व प्रकल्पांसाठी ॲक्यूरेट बॅकग्राऊंड इंडिया प्रा. लि. यांनी आर्थिक सहाय्य केले. मुंबई येथील फॅन्ड्री फाउंडेशनच्या प्रभावी उपक्रम व्यवस्थापनामुळे अतिशय दर्जेदार काम होऊन शाळेला आधुनिक सुविधा उपलब्ध झाल्या. प्रास्ताविक राज्य आदर्श शिक्षक तथा मुख्याध्यापक प्रमोद परदेशी यांनी केले. दत्तू निसरड, गोकुळ आगिवले, वंदना भगत यांनी उपस्थितांचे स्वागत केले. याप्रसंगी शिक्षण विस्ताराधिकारी प्रमोद चिंचोले, केंद्रप्रमुख संजय बोरसे, “ॲक्यूरेट”चे मान्यवर प्रतिनिधी सुमित कुमार चौधरी, ऋषि हिंगोरानी, भाव्या पुजारी, प्रथमेश पाटील, रोहित अरडे, रुपेंद्र बलीगा, धमांदीप शर्मा, आदित्य साळुंखे, प्रतिमा परमेश्वरा चंदन, रीवा अगध व अमित नायर उपस्थित होते. फॅन्ड्री फाउंडेशनचे रवींद्र चाचे, नितीन ढेपे, संचिता शेखर, पल्लवी प्रभू पाटकर, विद्या पिकले, प्रसाद दादा, मिनाक्षी शिंदे, मानसी कोतवाल, सुजाता नाईक, राजश्री ताई, संदीप चाचे, ऋचा चाचे, ग्रामस्थ खेमचंद आगिवले, बबन आगिवले, लहानू आगिवले आदी ग्रामस्थ मोठ्या संख्येने उपस्थित होते.
