इगतपुरीनामा न्यूज – सोनोशी ते शिरेवाडी रस्त्यावर, संत निरंकारी भवनाजवळ रस्त्याच्या मध्यभागी तब्बल २ फूट रुंद आणि ६ ते ७ फूट खोल खड्डा पडला आहे. या मार्गावरून सर्वतीर्थ टाकेदकडे जाणारी वाहतूक सुरू असते. त्यामुळे ह्या रस्त्यावर नेहमीच वर्दळ असते. खड्ड्यामुळे अपघात होऊ नये म्हणून जागरूक गावकऱ्यांनी खड्ड्यात झाडाची फांदी लावली आहे. याकडे प्रशासनाचे मात्र अद्यापही दुर्लक्षच आहे. या ठिकाणी रात्रीच्यावेळी मोठा अपघात होण्याची शक्यता आहे. या पार्श्वभूमीवर सोनोशीचे उपसरपंच पोपट लहामगे यांनी रस्ता त्वरित दुरुस्त करण्याची मागणी केली आहे. व्हिडिओ बातमी पहा – https://youtu.be/TV_OJMTdqF0