इगतपुरीनामा न्यूज – जवाहर नवोदय विद्यालयाच्या जानेवारीमध्ये घेण्यात आलेल्या स्पर्धा परीक्षा गुणवत्ता यादीत वाडीवऱ्हेच्या माध्यमिक विद्यालयाची विद्यार्थिनी कु. श्रावणी मनोज शिंदे हिने दमदार यश मिळवले आहे. नाशिक जिल्ह्यातील ८० विद्यार्थ्यांपैकी इगतपुरी तालुक्यातून एकमेव विद्यार्थिनी श्रावणी शिंदे हिची जवाहर नवोदय विद्यालय खेडगाव येथे पुढील शिक्षणासाठी निवड झाली आहे. या विद्यार्थिनीला इगतपुरी येथील सेवानिवृत्त व जेष्ठ अनुभवी शिक्षक रामानंद बर्वे यांचे मोलाचे मार्गदर्शन लाभले. इगतपुरी तालुक्यातील अनेक विद्यार्थ्यांना सातत्याने प्रयत्न व मार्गदर्शन करून त्यांच्या पुढील शिक्षणाचा मार्ग सुखकर केल्याने पालकांनी रामानंद बर्वे यांचे अभिनंदन केले. या विद्यार्थिनीस रेखा कुलथे यांचेही मार्गदर्शन लाभले. शाळेचे मुख्याध्यापक कापडणीस, शिक्षक आणि ग्रामस्थांनी कु. श्रावणी शिंदे हिचे अभिनंदन केले. इगतपुरी तालुक्यातील दिवंगत जेष्ठ पत्रकार अशोक शिंदे यांची श्रावणी ही नात आहे. तालुक्यातील पत्रकार बांधवांनी सुद्धा श्रावणी हिला शुभेच्छा दिल्या आहेत.
