इगतपुरीनामा न्यूज – महायुती राष्ट्रवादी काँग्रेस अजित पवार गट, शिवसेना शिंदे गट, भारतीय जनता पार्टी आणि मित्रपक्षांचे अधिकृत उमेदवार हिरामण खोसकर यांचा झंझावात सुरु आहे. त्यांच्या प्रचारार्थ आज दुपारी घोटीत उपमुख्यमंत्री ना. अजितदादा पवार यांची सभा होणार आहे. ह्या सभेला मोठी गर्दी होणार असून शक्तीप्रदर्शन केले जाण्याचा अंदाज आहे. शक्तीप्रदर्शनाच्या अनुषंगाने आज सकाळी ११ वाजता इगतपुरी येथील महिंद्रा कंपनीपासून पायी अभूतपूर्व महारॅलीला प्रारंभ होणार आहे. ही महारॅली महामार्गावरील बोरटेंभे फाट्यापर्यंत असणार आहे. त्यानंतर लगेचच घोटी येथील सिन्नर फाट्यावर एकत्र येऊन ही पायी महारॅली ना. अजितदादा पवार यांच्या सभेच्या स्थळापर्यंत काढण्यात येणार आहे. ह्या महारॅलीमुळे आणि ना. अजितदादा पवार यांच्या सभेमुळे महायुतीचे उमेदचार हिरामण खोसकर यांना मोठा फायदा होणार आहे.