ज्ञानेश्वर मेढेपाटील : इगतपुरीनामा न्यूज, दि. १० – नाशिक जिल्हा सब ज्युनिअर ॲथेलॅटिक्स चॅम्पियनशिप जिल्हास्तरीय क्रीडा स्पर्धेत त्र्यंबकराज ॲथेलॅटिक्स ग्रुप त्र्यंबकेश्वरच्या खेळाडूंनी घवघवीत यश संपादन केले. ह्या खेळाडूंनी प्रथम क्रमांक पटकावत विविध बक्षीस मिळवली आहेत. ग्रुपचे प्रशिक्षक लोकेश कडलग, मनोज पटेल यांच्या योग्य मार्गदर्शनामुळे खेळाडूंची राज्य स्पर्धेसाठी निवड झाली आहे. १२ वर्षाखालील गटात अनन्या राठी हिला २०० मिटरमध्ये सुवर्णपदक, ६० मिटरमध्ये सुवर्ण पदक मिळाले. १० वर्षाखालील गटात ५० मिटर प्रकारात तेजस मेढे, मुलीच्या गटात लांब उडीमध्यवं श्रीशा उगले यांनी सुवर्णपदक प्राप्त केले. १०० मिटरमध्ये सिया कडलग हिला सुवर्ण पदक, अनन्या पटेल रौप्यपदक, ६० मिटरमध्ये श्रीशा उगले सुवर्णपदक, सिया कडलग रौप्यपदक, अनन्या पटेल कास्यपदक, ४×१०० रिलेमध्ये अनन्या पटेल, श्रीया उगले, सिया कडलग, राजवीर सोमवंशी यांना सुवर्णपदक मिळाले.