इगतपुरीनामा न्यूज, दि. 10
मुंबई आग्रा महामार्गावर आज सायंकाळी पाच वाजता मोटारसायकलचा अपघात झाला. मोटारसायकल क्रमांक MH 15 FD8657 ही मुंबईकडुन नासिकच्या दिशेने जात असताना राजुर पाटी येथील गांधी पंप भागात हा अपघात झाला. महामार्गावरील खड्ड्यात मोटारसायकल गेल्याने हा अपघात झाला. या घटनेत 1 जण गंभीर जखमी तर 1 जण किरकोळ जखमी झाला आहे. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन जखमींना नाशिकच्या खासगी रुग्णालयात दाखल केले. विनोद गोरख आहिरे वय 32, रवी रामराव मोरे वय 45 रा. मोरवाडी नासिक अशी जखमींची नावे आहेत. आज दुपारी इगतपुरी जवळही खड्ड्यात मोटारसायकल गेल्याने अपघात झाला. यातील जखमी व्यक्तीला जगद्गुरू नरेंद्राचार्य महाराज संस्थान नानिज धाम इगतपुरी येथील मोफत रुग्णवाहिकेचे रुग्णमित्र कैलास गतीर यांनी इगतपुरी ग्रामीण रुग्णालयात दाखल केले. मोठ्या प्रमाणावर खड्डे पडल्याने महामार्गावर अपघातांचे प्रमाण वाढत असून संबंधित टोल प्रशासनाने खड्ड्यांची तातडीने दुरुस्ती करावी अशी मागणी होत आहे.