इगतपुरीनामा न्यूज, दि. २२
इगतपुरी तालुक्यात प्रतिष्ठेच्या व संवेदनशील समजल्या जाणाऱ्या पिंपळगाव ग्रामपंचायतीच्या पोटनिवडणुकीत सत्ताधारी गटाच्या कमल भाऊसाहेब कदम विजयी झाल्या. त्यांनी विरोधी गटाच्या ठकुबाई कदम यांचा पराभव केला. ग्रामपंचायत सदस्या रविना कदम यांच्या निधनाने रिक्त झालेल्या जागी पोटनिवडणुक घेण्यात आली होती. अत्यंत चुरशीच्या निवडणुकीत अवघ्या ३ मतांच्या फरकाने कमल कदम विजयी झाल्या. सत्ताधारी गटाच्या कमल कदम यांना २२२ तर विरोधी गटाच्या ठकुबाई कदम यांना २१९ मते मते मिळाली.
निवडणुकीत कदम विरुद्ध कदम उमेदवार असल्याने दोन्ही उमेदवारांची कसरत व प्रतिष्ठा पणाला लागली होती. पंढरीनाथ काळे, रामभाऊ काळे, मुरलीधर गातवे, संपत कदम, सरपंच हिराबाई गातवे, नंदू काळे, राजाराम काळे, भगवंता सोनवणे, रमेश बेंडकोळी, जगदीश शिंदे, युवराज गातवे, राजाराम काळे, केरु कदम, दत्तू कदम, रामदास काळे, भाऊसाहेब कदम, शामराव काळे, लक्ष्मण काळे, अशोक काळे, रामनाथ कदम आदींनी विजयी उमेदवारांचे स्वागत केले.