इगतपुरीनामा न्यूज – टिटोली येथील एका घरात चोरट्याने सुमारे ४ लाख ५७ हजार ५०० रुपयांचे सोन्याचे गंठण दागिन्याची चोरी केली. याप्रकरणी इगतपुरी पोलीस ठाण्यात अनोळखी चोरट्याविरुद्ध गुन्हा दाखल झाला होता. इगतपुरी पोलिसांनी या गुन्ह्यात अबीशेख दारासिंह मोरे, वय २९, रा. गोदावरी रो बंगलो, मेरी लिंक रोड, नाशिक या संशयित आरोपीचे नाव निष्पन्न झाल्याने त्याला अटक केली आहे. फिर्यादी कुंदा चंद्रकांत भोपे, वय ५२, रा. टिटोली यांच्याकडे मुलगी प्रतीक्षा हिने सोन्याचे गंठण ठेवायला दिले होते. मते, ते बाहेरगावी गेले असताना ही घटना घडली. चोरट्याने घरातून हे गंठण चोरून नेले. याबाबत त्यांनी माहिती समजताच तात्काळ इगतपुरी पोलिसांकडे फिर्याद दिली. घटनास्थळाची पाहणी करून पुरावे गोळा करण्यात आले. पोलिसांनी संशयित आरोपीच्या मुसक्या आवळल्या असून कसून तपास सुरु आहे.
