इगतपुरीनामा न्यूज – इगतपुरी तालुक्यातील बेलगाव कुऱ्हे येथील जागृत देवस्थान ग्रामदेवता मरीमाता देवीचा उद्या २० मार्चला यात्रा उत्सव होणार आहे. यानिमित्त विविध धार्मिक कार्यक्रमाचे आयोजन करण्यात आल्याचे आयोजक समस्त ग्रामस्थ बेलगाव कुऱ्हे यांनी कळवले आहे. भाविकांच्या नवसाला मरी माता देवी पावते. म्हणून अनेक भाविक दरवर्षी येथे दर्शनाला येतात. उद्या शुक्रवारी सकाळी ७ ते १२ कलशारोहण पुजा विधी, सकाळी ८ वाजता मांडव डहाळा, दुपारी १ वाजता महाप्रसाद, सायंकाळी ५ ते ७ भव्य मिरवणूक, सायंकाळी ७ वाजता महाआरती, जागरण गोंधळाचा कार्यक्रम रात्री ९ वाजता असून, अशोक सदगीर आणि सविता साळुंखे यांचा होईल अशी कार्यक्रमाची रूपरेषा आहे.
