इगतपुरीनामा न्यूज – जगतगुरु रामानंदचार्य नरेंद्राचार्य महाराज संस्थानच्या प्रेरणेने इगतपुरी तालुक्यातील दुसरे मरणोत्तर देहदान आज करण्यात आले. आतापर्यंतचे हे ८४ वे देहदान असून गुरूंवरील निष्ठा आणि गुरुंवरील प्रेम यामुळेच जगद्‌गुरुश्रींचे अनुयायी मरणोत्तर देह दान करत आहेत. धामणगाव येथील एसएमबीटी हॉस्पिटलमध्ये जगद्गुरु नरेंद्राचार्य महाराज संस्थानतर्फे देहदान सुपूर्द करण्यात आले. याप्रसंगी स्वस्वरुप संप्रदायाचे भक्त, कार्यकर्ते उपस्थित होते. यावेळी एसएमबीटी हॉस्पिटलचे सर्व डॉक्टर आणि कर्मचारी यांनी सहकार्य केले. जगद्‌गुरू श्रींनी त्यांच्या संप्रदायाला मृत्यूनंतरही देहदान करून समाजाच्या उपयोगी पडण्याचे आवाहन केले होते. त्याला मोठा प्रतिसाद मिळाला. तसे अर्ज भरून संस्थानकडे दिले. त्यांनी ते संबंधित वैद्यकीय महाविद्यालयाकडे सुपूर्द केले आहेत.
इगतपुरी तालुक्यातील कावनई येथील कै. कमळाबाई गोविंद गुंड पाटील, वय ७६ यांचे नुकतेच निधन झाले. जगद्गुरु रामानंदाचार्य श्री स्वामी नरेंद्राचार्य महाराज यांच्या प्रेरणेतून त्यांनी मरणोत्तर देहदान करण्याची इच्छा व्यक्त करून तशी प्रक्रिया केलेली होती. त्यानुसार त्यांच्या इच्छेनुसार मरणोत्तर देहदान करण्यात आले. संस्थानच्या पुढाकारातून झालेले हे ८४ वे मरणोत्तर देहदान आहे. यावेळी मुलगा पंढरीनाथ व निवृत्ती गुंड पाटील, मुलगी सुशीला जाधव, वत्सलाबाई केदारे, सुनीता राव, सून सुमनबाई, विमल, जावई अर्जुन जाधव, पंडित केदारे, शिवाजी राव, नातवंड दत्तात्रय, संदीप, ओमकार, शुभम, मिना, नातसून सारिका आदी हजर होते. जिल्हा कमिटीचे उत्तम कोंबडे, संदिप खंडारे, योगेश शिरसाठ, संदिप देवरे, संतोष थोरात, नागेश भुसेकर, मयुर चुंबळे, इगतपुरी तालुका कमिटीचे राजेंद्र उदावंत, लक्ष्मण मालुंजकर, केशव तोकडे, तुषार अंदाडे, युवराज लंगडे, शशिकांत धनु, भगवान घोरपडे, रोहन घोरपडे, ज्ञानेश्वर पवार, गोपाळ तोकडे, गजाराम आघाण, प्रतीक जाचक, रंगनाथ वारुंगसे यांनी कै. कमळाबाई गुंड पाटील यांना श्रद्धांजली अर्पित केली.