इगतपुरीनामा न्यूज – इगतपुरी तालुक्यातील भावली धरणात ५ जणांचा बुडून मृत्यू झाल्याची दुर्दैवी घटना घडली आहे. मृतांमध्ये ३ युवती आणि २ युवकांचा समावेश आहे. हे सर्वजण आज दुपारी रिक्षा घेऊन धरणावर फिरण्यासाठी आले होते. सर्वजण नाशिकरोड येथील गोसावीवाडी परिसरातील राहणारे असून तिकडे शोककळा पसरली आहे. इगतपुरी पोलिसांनी तातडीने घटनास्थळी भेट देऊन कार्यवाही सुरु केली आहे. स्थानिक आदिवासी नागरिकांच्या मदतीने ५ जणांचे मृतदेह बाहेर काढण्यात आले असून उत्तरीय तपासणी करण्यासाठी इगतपुरी ग्रामीण रुग्णालयात पाठवण्यात आले आहेत. नातेवाईकांनी रुग्णालयाबाहेर गर्दी केली आहे. मृतांमध्ये अनस खान दिलदार खान, वय 15, नाझिया इमरान खान, वय 15, मीजबाह दिलदार खान, वय 16, हनीफ अहमद शेख, वय 24, ईकरा दिलदार खान, वय 14 यांचा समावेश आहे. हे सर्वजण एकाच कुटुंबातील आहेत. दरम्यान भावली धरणावर संबंधित विभागाकडून मार्गदर्शक नियमावली आणि सावधानी घेण्याबाबतचे फलक लावावेत अशी स्थानिक नागरिकांनी मागणी केली आहे.