इगतपुरीनामा न्यूज – शिरसाठे ग्रामपंचायतीच्या उपसरपंचपदावर साहेबराव वामन गांगुर्डे यांची बिनविरोध वर्णी लागली आहे. राष्ट्रवादी काँग्रेसच्या अजित पवार गटाचे प्रदेश सरचिटणीस गोरख बोडके यांच्या कुशल मार्गदर्शनाखाली ही निवड बिनविरोध झाली. ग्रामपंचायत सदस्य अनिता चंदगीर, दशरथ ढोन्नर, वर्षा बोडके, कोमल गांगुर्डे, भाऊसाहेब गांगुर्डे बैठकीप्रसंगी हजर होते. निवडणूक निर्णय अधिकाऱ्यांनी उपसरपंच निवडीची घोषणा झाल्यावर कार्यकर्त्यांनी घोषणा देत जल्लोष केला. राष्ट्रवादी प्रदेश सरचिटणीस गोरख बोडके, शिरसाठेच्या लोकनियुक्त सरपंच सुनीता सदगीर यांनी नवे उपसरपंच साहेबराव वामन गांगुर्डे यांना शुभेच्छा दिल्या.