इगतपुरीनामा न्यूज, दि. २
इगतपुरी तालुक्यातील म्हसुर्ली येथे विविध विकास कामांचा शुभारंभ करण्यात आला. इगतपुरीचे आमदार हिरामण खोसकर, जिल्हा नियोजन समिती सदस्य गोरख बोडके यांच्या हस्ते विकासकामांचे भूमिपूजन करण्यात आले. पूर्ण झालेल्या कामांचे लोकार्पण यावेळी संपन्न झाले. आमदार हिरामण खोसकर, जिल्हा नियोजन समिती सदस्य गोरख बोडके यांच्या साहाय्याने म्हसुर्ली गावात अनेक विकासाची कामे झाली आहेत. याबाबत ग्रामस्थांनी कृतज्ञता व्यक्त केली.
ग्रामपंचायत कार्यालय, देवी मंदी व शेंडेवाडी पेव्हर ब्लॉक, सिमेंट काँक्रीटीकरण ही कामे पूर्ण झालेली आहेत. ह्या कामांचे लोकार्पण करण्यात आले. जल जीवन मिशन अंतर्गत पाणी पुरवठा योजना, म्हसुर्ली ते वांगनवाडी रस्ता काम करणे, म्हसुर्ली फाटा ते तळ्याचा बांध रस्ता करणे, मुकणेवाडी अंगणवाडी इमारत बांधकाम, व्यायामशाळा बांधकाम करणे आदी कामांचे भूमिपूजन करण्यात आले. यावेळी सरपंच मनाली पोटकुळे, उपसरपंच रेखा वाजे, ग्रामपंचायत सदस्य तुळसाबाई कडाळी, अर्जुन उघडे, संजय पारधी, गणपत तांबे, योगिता तांबे, विठाबाई उघडे, ग्रामसेवक पी. एस. पाटील आणि ग्रामस्थ मोठ्या संख्येने हजर होते.
