इगतपुरीनामा न्यूज, दि. २२
इगतपुरी तालुक्यातील मुंढेगाव येथील जिंदाल पॉलिफिल्म्स ह्या कंपनीत भीषण आग लागली असल्याची माहिती समोर आली आहे. कंपनी आवारात असलेल्या प्लॅस्टिकच्या कच्या मालाला ही आग लागली होती. रात्री १ वाजेच्या दरम्यान ही घटना घडली. याबाबत इगतपुरी नगरपरिषदेच्या अग्निशमन दलाला मदतकार्य करण्यास पाचारण करण्यात आले. अग्निशमन कर्मचाऱ्यांनी 5 तासाच्या अथक प्रयत्नांनंतर ही आग आटोक्यात आणली. या घटनेत कुठलीही जीवित हानी झाली नाही. मात्र किती आणि काय काय नुकसान झाले याची अधिकृत माहिती अद्याप उपलब्ध झालेली नाही.
