इगतपुरीनामा न्यूज, दि. १५
इगतपुरी तालुका क्रीडा संकुल परिसर येथे भारतीय स्वातंत्र्याचा अमृत महोत्सवांतर्गत वृक्षारोपण कार्यक्रम “माझे संकुल माझे झाड” या अंतर्गत कार्यक्रम संपन्न झाला. जिल्हा क्रीडा अधिकारी कार्यालय नाशिक, महाराष्ट्र राज्य मराठी पत्रकार संघ इगतपुरी, महात्मा गांधी हायस्कूल, इगतपुरी आणि सुगतपुरी कला क्रीडा व सांस्कृतिक विकास मंडळ इगतपुरी यांच्या संयुक्त विद्यमाने कार्यक्रमाचे आयोजन करण्यात आले होते. याप्रसंगी शाळेचे प्राचार्य अनिल पवार, ज्युनिअर कॉलेजचे प्रमुख हेमंत जोशी, महात्मा गांधी हायस्कूल पालक शिक्षक संघाचे उपाध्यक्ष पत्रकार शैलेश पुरोहित, नाईन न्युजचे पत्रकार सतीश पुरोहित, सर्पमित्र मनोज पवार, पप्पू वेल्डिंगवाले, विजय भराडे उपस्थित होते.
कार्यक्रमाचे सूत्रसंचालन विजय सोनवणे यांनी केले. याप्रसंगी प्राचार्य अनिल पवार, हेमंत जोशी यांनी वृक्षसंवर्धन, जागतिक तापमान वाढ, समुद्राची वाढलेली पातळी याबाबत माहिती देऊन कार्यक्रमास शुभेच्छा दिल्या. प्रमुख पाहुण्याच्या हस्ते सावली देणारे वड, पिंपळ,आंबा इत्यादी झाडे परिसरासह संकुलात लावण्यात आली. कार्यक्रमावेळी सुगतपुरी कला क्रीडा मंडळाचे अध्यक्ष सुरेश शिंदे, दुलीचंद कुमावत, सचिव राहुल पंडित, प्रसाद चौधरी, सचिन उघडे, धनंजय सोनवणे, विनोद जाबोरे, अशोक इफाळ, रिजवान शेख आणि विद्यार्थी उपास्थित होते.