इगतपुरीनामा न्यूज, दि.११
नाशिकचे पालकमंत्री तथा राज्याचे अन्न व नागरी पुरवठा मंत्री ना. छगनराव भुजबळ यांचा वाढदिवस घोटीत कार्यकर्त्यांनी साजरा केला. ना. भुजबळ यांच्या वाढदिवसा निमित्ताने इगतपुरी तालुका महात्मा फुले समता परिषदेने इगतपुरी तालुक्यात विविध कार्यक्रम घेतले. अमृतमहोत्सवी वाढदिवसाचे निमित्त साधून घोटी येथे मोफत नेत्र तपासणी व मोतीबिंदू शस्त्रक्रिया शिबिर आयोजित करण्यात आले. जेष्ठ नागरिकांनी ह्या शिबिराचा मोठ्या संख्येने मोफत लाभ घेतला.
या कार्यक्रमाप्रसंगी माजी आमदार शिवराम झोले, माजी जिल्हा परिषद सदस्य गोरख बोडके, कार्यक्रमाचे आयोजक समता परिषद इगतपुरी तालुकाध्यक्ष शिवा काळे, राष्ट्रवादी काँग्रेस पक्षाचे इगतपुरी तालुकाध्यक्ष बाळासाहेब गाढवे, माजी उपसभापती पांडुरंग वारुंगसे, तालुकाध्यक्ष उमेश खातळे, माजी उपसभापती विष्णू चव्हाण, सचिन तारगे, अक्षय दळवी, नारायण वळकंदे, वसंत भोसले घोटी ग्रामीण रुग्णालयाचे वैद्यकीय अधीक्षक डॉ. संजय सदावर्ते, डॉ. बगदाणे आदी भुजबळ सैनिक हजर होते.
