इगतपुरीनामा न्यूज – उद्या १५ ऑगस्टला स्वातंत्र्यदिनाचे औचित्य साधून स्थानिक पातळीवरील युवक-युवतींसाठी भव्य रोजगार मेळाव्याचे आयोजन ‘हॉटेल ग्रँड परिवार, टाके घोटी’ येथे करण्यात आले आहे. हा मेळावा उद्या सकाळी ११ वाजता आयोजित करण्यात आला आहे. स्थानिक युवक-युवतींना हक्काचा व सुरक्षित रोजगार मिळवून देणे आणि त्यांच्या उज्ज्वल भविष्याची पायाभरणी करणे हा ह्या उपक्रमाचा उद्धेश आहे. आजच्या तरुणाईसमोर रोजगाराची संधी उपलब्ध करून देणे ही काळाची गरज असून, या मेळाव्याच्या माध्यमातून Flipkart आणि Myntra आणि इतर नामांकित ई-कॉमर्स कंपन्यांमध्ये नोकरीच्या सुवर्णसंधी उपलब्ध करून देण्यात येणार आहेत. “रोजगार ही आजच्या काळाची सर्वात मोठी गरज आहे. तरुणांनी अशा उपक्रमांचा जास्तीत जास्त लाभ घेऊन आपल्या करिअरची उत्तम सुरुवात करावी,” यासाठी या उपक्रमाचा परिसरातील बेरोजगार तरुण-तरुणींनी फायदा घ्यावा. अधिक माहितीसाठी आयोजक सोनु शेलार यांच्या ८०८०४०४२१२ ह्या क्रमांकावर संपर्क साधावा असे आवाहन करण्यात आले आहे.
