इगतपुरीनामा न्यूज – राज्यातील शिक्षकांचे व्यासपीठ असलेले शिक्षक ध्येय, साई समर्पण संकल्प, नांदेड, विलास नामदेवराव व्हटकर, मुंबई, यशिता गार्डन नर्सरी, वर्धा आणि आई कनकाई सामाजिक संस्था, होडगांव (कोंड), ता. माणगांव जि. रायगड यांच्या संयुक्त विद्यमाने राज्यातील शिक्षकांसाठी ‘कर्तृत्ववान शिक्षक पुरस्कारा’साठी राज्यस्तरीय नाविन्यपूर्ण उपक्रम स्पर्धेचे आयोजन करण्यात आले आहे. ‘ना नफा ना तोटा’ या तत्वावर या स्पर्धेचे आयोजन केले असून शिक्षकांच्या कामाला प्रोत्साहन देणे हाच या स्पर्धेमागील मुख्य उद्देश आहे. या स्पर्धेचे हे सातवे वर्ष असून मागील सहा वर्षात राज्यातील २५५ शिक्षकांना ‘कर्तृत्ववान शिक्षक’ या पुरस्काराने गौरविण्यात आले आहे. शिक्षकांच्या गुणवत्तापूर्ण कार्याची दखल घेणे आणि त्यातून प्रेरणा मिळावी हा या मागचा मुख्य हेतू आहे. राज्यातील शिक्षकांमधून प्राथमिक गट (अंगणवाडी ते सातवी), माध्यमिक व उच्च माध्यमिक गट (आठवी ते पदवीपर्यंत) ह्या दोन गटात ही स्पर्धा घेतली जाणार आहे. राज्यातील शिक्षक, शिक्षिका, मुख्याध्यापक तसेच शिक्षण क्षेत्रातील अधिकारी आणि शिक्षण क्षेत्रात मुक्तपणे कार्य करणाऱ्या संस्था या सर्वांना या स्पर्धेत सहभागी होता येईल. शिक्षकांनी आपल्या नाविन्यपूर्ण उपक्रमाचा अहवाल बनवितांना तो मराठी, हिंदी किंवा इंग्रजी भाषेत एम. एस. वर्ड मध्ये टायपिंग करून नंतर त्याची पीडीएफ ( .pdf) करून 9623237135 या व्हॉट्सॲप नंबरवर पाठवावी. अंतिम तारीख १५ ऑगस्ट २०२६ आहे.अधिक सविस्तर माहिती साठी https://kaushalyavikas.blogspot.com/2026/08/blog-post.html ह्या लिंकवर क्लिक करावे. स्पर्धेचा निकाल दि. ५ सप्टेंबर २०२६ रोजी ‘शिक्षक दिनी’ जाहीर केला जाईल. राज्यातील उपक्रमशील शिक्षक व शिक्षिका यांनी या स्पर्धेत सहभाग नोंदवावा असे आवाहन साई समर्पण संकल्प, नांदेड, श्री. विलास नामदेवराव व्हटकर, मुंबई, यशिता गार्डन नर्सरी, वर्धा आणि आई कनकाई सामाजिक संस्था, होडगांव (कोंड), ता. माणगांव जि. रायगड तसेच शिक्षक ध्येयचे मधुकर घायदार, प्रभाकर कोळसे, डी. जी. पाटील यांच्यातर्फे करण्यात आले आहे.
