इगतपुरीनामा न्यूज, दि. १ – सीएमए विद्यार्थी व्हास्ट असल्यामुळे विद्यार्थी वर्षभर अभ्यास करत असतात. विद्यार्थ्यांनी रिफ्रेश व्हावे म्हणून चॅप्टरकडून क्रिकेट स्पर्धा आयोजित करण्यात आल्या होत्या. या स्पर्धेत ७२ जणांनी सहभाग घेतला. त्यात ५३ विद्यार्थी आणि १९ सीएमए सदस्य होते. सकाळी ९ ते संध्याकाळी ८ वाजेपर्यंत क्रिकेटचे सामने रंगले. ह्या स्पर्धेत विजेता होण्याचा मान सीएमए फर्म शिंदे, निकम, जगताप आणि पवार ( एसएनजेपी ) संघाला मिळाला, तर सीएमए प्रशांत येवले आणि सीएमए सागर चव्हाण यांचा संघ उपविजेता ठरला. सामनावीर होण्याचे मानकरी श्रद्धा चव्हाण आणि अनिकेत लोखंडे हे ठरले.
क्रिकेट स्पर्धा आयोजन करण्याची जबाबदारी सीएमए नवनाथ गांगुर्डे, सीएमए कैलाश शिंदे, सीएमए मयूर निकम, सीएमए दिपक जगताप आणि अनिल खैरनार यांनी यशस्वी करून दाखवली. त्याबद्दल नाशिक चॅप्टरचे अध्यक्ष सीएमए भूषण पागेरे यांनी त्यांचे कौतुक करून सर्व सहभागी विद्यार्थ्यांचे अभिनंदन केले. त्यांनी विद्यार्थ्यांच्या दिवसभराच्या उत्साहासाठी कौतुक करून मार्गदर्शन केले. स्पर्धेत सहभागी झालेल्या सर्व सीएमए सदस्यांचे ऋण व्यक्त केले.