इगतपुरीनामा न्यूज – नाशिक शिक्षण प्रसारक मंडळाचे कला व वाणिज्य महाविद्यालय, इगतपुरी येथे महाराष्ट्र राज्य उच्च व तंत्रशिक्षण विभाग आणि महाराष्ट्र माहिती तंत्रज्ञान सहाय्यता केंद्र यांच्या संयुक्त विद्यमाने राबविण्यात येणाऱ्या ‘करिअर कट्टा’ उपक्रमांतर्गत ‘करिअर कट्टा इंडक्शन अवेरनेस प्रोग्राम’ बुधवारी दुपारी उत्साही वातावरणात संपन्न झाला. कार्यक्रमाच्या अध्यक्षस्थानी महाविद्यालयाच्या प्राचार्या प्रा. प्रतिभा हिरे होत्या. यावेळी महाविद्यालयाचे समन्वयक डॉ. बी. एच. घुटे, मराठी विभागप्रमुख डॉ. एल. एस. अहिरे, करिअर कट्टा समन्वयक प्रा. रविंद्र नाडेकर, प्रा. अविनाश कासार तसेच करिअर संसदेच्या मुख्यमंत्री कु. मनाली गोसावी यांची प्रमुख उपस्थिती होती. कार्यक्रमाचे प्रास्ताविक प्रा. अविनाश कासार यांनी केले. करिअर कट्टा समन्वयक प्रा. रविंद्र नाडेकर यांनी पॉवर पॉइंट सादरीकरणाद्वारे करिअर कट्टा उपक्रमाची सविस्तर माहिती दिली. यादरम्यान विद्यार्थ्यांना उपलब्ध असलेल्या विविध करिअर संधी, कौशल्यविकास आणि व्यक्तित्व विकास, स्पर्धा परीक्षा मार्गदर्शन, उद्योग क्षेत्राशी संवाद व तज्ज्ञांचे मार्गदर्शन आदी मुद्द्यांवर मार्गदर्शन करण्यात आले. अध्यक्षीय मार्गदर्शनात प्राचार्या प्रा. प्रतिभा हिरे यांनी विद्यार्थ्यांनी करिअर कट्टा उपक्रमात सक्रिय सहभाग घेऊन स्वतःच्या कौशल्यांचा विकास करत स्पर्धात्मक युगात सक्षम नागरिक बनावे असे प्रतिपादन केले. या कार्यक्रमास महाविद्यालयातील विद्यार्थ्यांनी उत्स्फूर्त सहभाग नोंदविला. करिअर नियोजन, कौशल्य विकास आणि विविध शासकीय उपक्रमांची उपयुक्त माहिती मिळाल्याने विद्यार्थ्यांनी समाधान व्यक्त केले. कार्यक्रमाचे सूत्रसंचालन प्रा. शशिकांत सांगळे यांनी केले तर आभार प्रदर्शन प्रा. भाग्यश्री मोरे यांनी केले.
