इगतपुरीनामा न्यूज – मिशन जनसंवाद उपक्रमांतर्गत इगतपुरी पोलिसांकडून गावोगावी भेटी देऊन जनजागृती मोहीम राबविण्यात येत आहे. या मोहिमेत पोलीस पाटील, सरपंच, उपसरपंच, गावातील प्रतिष्ठित नागरिकांची बैठक घेण्यात येत आहे. बैठकीत प्रत्येक गावासाठी स्वतंत्र व्हॉट्सॲप ग्रुप तयार करण्याच्या सूचना देण्यात आल्या. गावात घडणाऱ्या कोणत्याही घटना, वाद, गुन्हे, अपघात, संशयास्पद हालचाली किंवा आपत्कालीन परिस्थितीची माहिती तात्काळ या ग्रुपवर शेअर करावी, असे आवाहन इगतपुरीच्या पोलीस निरीक्षक सारिका अहिरराव यांच्याकडून करण्यात आले. यामुळे पोलिसांना वेळेत माहिती मिळून त्वरित कारवाई करणे शक्य होणार आहे. या उपक्रमामुळे गावांमध्ये पोलिसांशी समन्वय वाढण्यास आणि कायदा सुव्यवस्था अधिक प्रभावीपणे राखण्यास मदत होणार असल्याचे पोलिसांनी सांगितले. व्हॉट्सॲप ग्रुपच्या मदतीने पोलिसांचा तिसरा डोळा सक्रिय होणार असल्याने गुन्हे रोखण्यासाठी साहाय्य मिळणार आहे. व्हिडिओ बातमी पहा https://youtube.com/shorts/gvmcAHJniZo?si=a9knQB6y0cCJy4U5