इगतपुरीनामा न्यूज – इगतपुरी तालुक्यातील पिंपळगाव डुकरा मुख्यमंत्री समृद्ध पंचायतराज अभियान, आदर्श महिला व बालिका स्नेही ग्रामपंचायतीत जागतिक महिला दिन उत्साहात साजरा झाला. यावेळी महिला सबलीकरणाच्या दृष्टीने विशेष महिला ग्रामसभेचे आयोजन करण्यात आले होते. ग्रामपंचायत अधिकारी हर्षिता पिळोदेकर, जिजाऊ ब्रिगेडच्या जिल्हा कार्याध्यक्ष कांचन दिघे- सहाणे, माजी सरपंच मालन वाकचौरे, शेणितच्या बचत गटप्रमुख कमल आरोटे, वैशाली झनकर यांनी उपस्थित महिलांना मार्गदर्शन केले. नाशिक जिल्हा परिषद आयोजित नवचेतना अभियान अंतर्गत एकल महिलांसाठी आर्थिक दृष्ट्या सबल होण्यासाठी व्यवसायासाठी ग्रामपंचायतीतर्फे छत्रपती समूहाच्या उषा दिलीप वाकचौरे यांना पिठाची गिरणी व्यवसाय प्रोत्साहन म्हणून देण्यात आली. याप्रसंगी महिला व किशोरवयीन मुलींसाठी जिल्हा परिषद शाळा, अंगणवाडी येथे सॅनिटरी नॅपकिन वेंडिंग मशीन, सॅनिटरी नॅपकिन डिस्पोजल मशीन, स्मार्ट टीव्ही बसवून महिलांच्या हस्ते उदघाटन करण्यात आले. कार्यक्रमात गावातील कर्तबगार महिलांचा सन्मान म्हणुन सन्मानपत्र, बक्षीस वाटप करण्यात आले.
