इगतपुरीनामा न्यूज – रविवारी ८ मार्चला दुपारी ३ च्या सुमारास शेणित येथील साहिल भाऊराव जाधव हा १७ वर्षांचा मुलगा शेणित लोहशिंगवे येथे लगत असलेल्या दारणा नदीवर आंघोळीसाठी गेला होता. यावेळी पाण्याचा प्रवाह जास्त असल्याने साहिल पाण्यात बुडुन वाहुन गेला आहे. शेणित येथील सर्व गावकरी शोध मोहीम राबवत आहे मात्र अजुनही शोधमोहीम सुरूच आहे. दारणा नदीच्या आजुबाजुला असलेल्या लोहशिंगवे, बेलु, आगासखिंड, पांढुर्ली, लहवित, भगुर आदी सर्व गावांमधील नागरिकांनी सहकार्य केल्यास साहिल भाऊराव जाधव ह्या मुलाचा शोध लागण्यास मदत होईल. हा मुलगा दारणा नदीपात्रात निदर्शनास आल्यास तातडीने शेणित येथील गावकऱ्यांना कळवावे असे आवाहन ग्रामस्थांनी केले आहे.
