इगतपुरीनामा न्यूज – जागतिक महिला दिनाचे औचित्य साधून दरवर्षीप्रमाणे यावर्षीही महाराष्ट्र राज्य प्राथमिक शिक्षक संघातर्फे इगतपुरी तालुक्यातील आपल्या कामाचा वेगळा ठसा उमटून नावलौकिक करणाऱ्या महिलांना “नारी शक्ती सन्मान” पुरस्कार देण्यात येणार आहे. इगतपुरी तालुक्यातील आदर्श शिक्षिका व विविध सामाजिक कार्यकर्त्या यांना हा मानाचा पुरस्कार देऊन सन्मानित केले जाईल. लक्ष्मी लॉन्स गोंदे दुमाला येथे मंगळवारी १० मार्चला दुपारी १२ वाजता महिला मेळावा व पुरस्कार वितरण सोहळा संपन्न होणार आहे. कार्यक्रमाच्या अध्यक्ष म्हणून इगतपुरीच्या गटशिक्षणाधिकारी मंजुषा साळुंखे, प्रमुख पाहुणे म्हणून डॉ. मीनल प्रितम आहिरराव, लेखिका भारती लासुरकर, सामाजिक कार्यकर्त्या चारुलता ठाकूर, ज्योती दिनकर पाटील, महिला आघाडी जिल्हाध्यक्ष संगीता पवार, जिल्हा कार्यकारी अध्यक्ष निवृत्ती नाठे, जिल्हा नेते उमेश बैरागी उपस्थित राहणार आहेत. या कार्यक्रमात भाग्यवान महिलांना लकी ड्रॉ सोडत पध्दतीने २ सेमी पैठणी, २ पर्स, २ मनगटी घड्याळ दिले जाईल. इगतपुरी तालुक्यातील सर्व महिला भगिनींनी कार्यक्रमाला उपस्थित रहावे असे आवाहन आयोजकांनी केले आहे.
आदर्श शिक्षिका पुरस्कार मित्तल रमेश पिंगटे ( शाळा भरवीर बुद्रुक ), विद्या रवींद्र चव्हाण ( शाळा खैरगाव ), प्रतिभा शंकरराव गोपाळे ( शाळा तळेगाव ), नीता राजेंद्र गोसावी ( शाळा नांदगाव ), मुमताज फकिरमहमद सैय्यद ( शाळा कावनई ), संचिता श्रीकांत निकम ( शाळा तळोघ ), मनिषा भास्कर जगदाळे ( शाळा कचरवाडी ) यांना घोषित झाला आहे. सांजेगावच्या माजी सरपंच नीता गोवर्धने, आदर्श ग्रामपंचायत अधिकारी हर्षिता पिळोदेकर, शैला नाठे, योगिता वाघचौरे, नीता वारघडे, अनुराधा पराडकर, शैला भगत यांना आदर्श सामाजिक कार्यकर्त्या पुरस्कार जाहीर करण्यात आला आहे अशी माहिती प्राथमिक शिक्षक संघ महिला कार्यकारिणी अध्यक्ष माधुरी पाटील, सरचिटणीस सुशीला चोथवे, तालुका नेत्या प्रेमलता चव्हाण, कार्यकारी अध्यक्ष सुवर्णा म्हस्के, कार्याध्यक्ष आशा पानसरे, चंद्रकला रहाणे, कोषाध्यक्ष पल्लवी गवांदे, जिल्हा पदाधिकारी वर्षा चौधरी, सुरेखा गुंजाळ, मनिषा वाणी यांनी दिली. ह्या सोहळ्यासाठी शिक्षक संघाचे तालुका नेते श्रीकांत निकम, अध्यक्ष विनायक पानसरे, सरचिटणीस दीपक भदाणे, कार्यकारी अध्यक्ष ज्ञानेश्वर बांगर, कार्याध्यक्ष दिपक पगार, विवेक आहेर, कोषाध्यक्ष विजय सहाणे, कार्यालयीन चिटणीस दत्ता खुर्दे, संतोष शिरसाठ, प्रसिद्धी प्रमुख राजेश खैरनार, तालुका संपर्कप्रमुख लालू गारे आदी हजर राहणार आहेत.
