इगतपुरीनामा न्यूज – नाशिक शिक्षण प्रसारक मंडळाच्या इगतपुरी येथील कला व वाणिज्य महाविद्यालयात रक्तदान शिबिर घेण्यात आले. सोमवारी राजमाता जिजाऊ जयंती व स्वामी विवेकानंद यांच्या जयंतीनिमित्त राष्ट्रीय युवा दिनाच्या औचित्यावर शिबिराचे आयोजन करण्यात आले होते. इगतपुरी संकुलातील महात्मा गांधी हायस्कूल व ज्युनिअर कॉलेज, नूतन मराठी शाळा, बालमंदिर, कला व आणि वाणिज्य महाविद्यालय व रेड रिबीन क्लब यांच्या संयुक्त विद्यमाने हा कार्यक्रम झाला. रक्तदानाच्या ह्या सलग ३ वर्षीच्या शिबिरात ३४ रक्तदात्यांनी रक्तदान केले. याप्रसंगी संस्थेचे सदस्य अशोक नावंदर, अकादमी बोर्डचे सदस्य कैलास गुजराथी, महाविद्यालय समिती सदस्य रमेश राठी, महात्मा गांधी हायस्कूलचे उपमुख्याध्यापक प्रसाद चौधरी, ग्रामीण रुग्णालयाचे लियाकत अत्तार, उज्वला महाजन, महाविद्यालयाच्या प्राचार्या प्रतिभा हिरे उपस्थित होत्या. शिबिराप्रसंगी इगतपुरीच्या नगरसेविका निकत वसीम सय्यद, अंजुम अस्लम कुरेशी उपस्थित होते. ह्या शिबिराचे यशस्वी आयोजन कला व वाणिज्य महाविद्यालयाने केले होते. शिबिराला प्राचार्या प्रतिभा हिरे यांनी मार्गदर्शन केले. श्री. कासार यांनी या शिबिराचे नेतृत्व केले. शिबिराच्या यशस्वीततेसाठी महाविद्यालयाचे समन्वयक डॉ. बाळू घुटे, महाविद्यालयाचे सर्व प्राध्यापक व प्राध्यापकेतर कर्मचारी यांनी मेहनत घेतली.