इगतपुरीनामा न्यूज – इगतपुरी येथील महात्मा गांधी हायस्कूल व ज्यूनिअर कॉलेज, नूतन मराठी शाळा आणि कला व वाणिज्य महाविद्यालयातर्फे सामाजिक उपक्रमांतर्गत रक्तदान शिबिराचे आयोजन करण्यात आले आहे. सोमवारी १२ जानेवारीला सकाळी १० ते सायंकाळी ५ वाजेपर्यंत रक्तदान करता येणार आहे. नाशिक शिक्षण प्रसारक मंडळाच्या कला व वाणिज्य महाविद्यालयात हा कार्यक्रम संपन्न होणार आहे. शाळा महाविद्यालयाचे सर्व पालक आणि इगतपुरी वासियांना रक्तदान करण्याचे जाहीर आवाहन करण्यात आले आहे. या उपक्रमात आपण रक्तदान करून प्रतिसाद द्यावा. आपल्या सोबत आपले मित्र व आप्तेष्ट यांनाही रक्तदान करण्यासाठी आणावे असे आवाहन प्राचार्या प्रतिभा हिरे यांनी केले आहे.
