इगतपुरीनामा न्यूज – इगतपुरी पोलीस ठाण्यात पोलीस निरीक्षक सारिका अहिरराव यांनी २१ दिवसांपासून कार्यभार स्वीकारलेला आहेत. ह्या काळात पोलिसांनी आपल्या हद्धीतील रिसॉर्ट, लॉजेस, खाजगी बंगले यांच्या तपासणीत ३ बंगल्यामध्ये हुक्का मिळून आल्याने गुन्हे दाखल करण्यात आले. गावठी हातभट्टी उध्दवस्त करून अवैध देशी दारु विक्रेत्यांवर ५ गुन्हे दाखल झाले आहेत. महामार्गालगतच्या २ ढाबे चालकांवर अवैध दारुंची कारवाई केली गेली. जास्त वेळ सुरु असलेल्या २ आस्थापनांवर महाराष्ट्र का. कलम ३३ (W) प्रमाणे कारवाई करण्यात आली. शहरातील वाहतुक समस्यांच्या अनुषंगाने रहदारीस अडथळा निर्माण करणाऱ्या चालकांविरुध्द भा. न्या. स. कलम २८५ प्रमाणे ७ गुन्हे दाखल केले गेले आहे. नाशिक जिल्ह्यात मोठ्या प्रमाणात पर्यटन स्थळे धबधबे, किल्ले, धरण असून ह्या पर्यटन स्थळांवर पर्यटक दरवर्षी पावसाळ्यानंतर मोठ्या प्रमाणात गर्दी करतात. ह्या पर्यटन स्थळांवर मागील काही वर्षामध्ये अनेक दुर्घटना घडल्या आहेत. ह्या परिस्थितीवर नियंत्रण ठेवून परिस्थितीचा सामना करण्यासाठी नाशिक ग्रामीणचे पोलीस अधीक्षक बाळासाहेब पाटील यांच्या पावसाळी पर्यटन स्थळ बंदोबस्त स्कीम (SOP) प्रमाणे व उपविभागीय पोलीस अधिकारी हरिष खेडकर यांचे मार्गदर्शन लाभले. त्यानुसार इगतपुरी हद्दीत ५ व ६ जुलैला सकाळी १० पासून १ पोलीस निरीक्षक, २ पोलीस उपनिरीक्षक, २ सहाय्यक पोलीस उपनिरीक्षक, १५ पोलीस अंमलदार असा बंदोबस्त तैनात केला होता. पर्यटन स्थळांवर होणारे अपघात, तरुणांची हुल्लडबाजी, दारु पिऊन वाहन चालविणे, विना हेल्मेट, विना सिटबेल्ट इत्यादींवर आळा घालण्यासाठी इगतपुरी पोलीस स्टेशनच्या प्रभारी अधिकारी सारीका अहिरराव यांच्या नेतृत्वाखाली बंदोबस्त प्रभावी ठरला. यावेळो मोटार वाहन कायदा कलम ड्रंक अँन्ड ड्रायव्ह अंतर्गत ५ केसेस, विना हेल्मेट, विना नंबर प्लेट, विना सिटबेल्ट अशा एकूण ३५ केसेस अंतर्गत ३३ हजार रुपये दंड वसुल करण्यात आला. दारुबंदी कायद्यान्वये ६ गुन्हेही दाखल करण्यात आले. इगतपुरी पोलिसांकडून मोठ्या प्रमाणात कारवाई करण्यात आली आहे. त्यामुळे सामान्य नागरिकांमध्ये पोलीसांचे अस्तित्वामुळे भयमुक्त वातावरण दिसून आले. कोणताही वाहतुकीचा प्रश्न उपस्थित झालेला नसून कोणत्याही प्रकारची कुठेही हुल्लडबाजी दिसून आली नाही. या कारवाईमुळे इगतपुरी पोलीस स्टेशन हद्दीत आलेल्या कुटुंबासह पर्यटक नागरिकांनी पोलिसांचे आभार व्यक्त करुन कौतुक केले आहे.
