इगतपुरीनामा न्यूज – मनु मानसी महिला बहुउद्देशिय सेवाभावी संस्था आणि महावीर इंटरनॅशनल नाशिक यांच्या वतीने २०२५ चा दिला जाणारा जीवन गौरव पुरस्कार इगतपुरीचे वन परिमंडळ अधिकारी भाऊसाहेब राव यांना जाहीर झाला आहे. आयोजक संस्थापिका मेघात शिंपी, अनिल नहार अध्यक्ष महावीर इंटर नॅशनल. मंजू जाखाडी. कार्याध्यक्ष मनु मानसी संस्था यांनी पुरस्काराची घोषणा केली. २८ जूनला दुपारी २ वाजता मान्यवरांच्या हस्ते जीवन गौरव पुरस्कार प्रदान करण्यात येणार आहे. वनविभागात नोकरी करणे म्हणजे प्रत्यक्षात अवघडच काम असल्याचे दिसते. जंगलात किंवा अन्य ठिकाणी कोणत्या वेळी हिंस्र प्राणी हल्ला करील याची अजिबात शास्वती राहिली नसताना रात्री अपरात्री बिबट्याच्या कोणत्याही कुठेही घटना घडल्यास तात्काळ जीवाची पर्वा न करता घटनेच्या ठिकाणी पोहचतात ते म्हणजे वनविभागाचे कर्मचारी. यात इगतपुरीचे वन परिमंडळ अधिकारी भाऊसाहेब राव यांनी आपल्या वेगवेगळ्या कामांनी आदर्श निर्माण केला आहे. मुकणे येथील सर्वसाधारण शेतकरी कुटुंबातील वडील कृषी उत्पन्न बाजार समितीचे माजी सभापती गणपत पांडुरंग राव यांच्या संस्कारातून मोठे झालेले राव अनेक कामांनी प्रसिद्ध आहेत. भाऊसाहेब राव हे 1999 सालापासून वनविभागात कार्यरत असून जीव धोक्यात घालून अनेक धाडसी कामे केली आहेत. वन्यजीव संरक्षण, वनतळे, जलमृदु संधारण रोपवन, वृक्षलागवड वन्यजीव जनजागृती, पशुधन नुकसान भरपाई मिळवून देणे आदी कामासाठी त्यांचा नेहमीच पुढाकार असतो. भाऊसाहेब राव यांच्या मार्गदर्शनातून आदिवासी ग्रामीण भागात वनतळे यामुळे जमिनीला पाणी वाढले असून शेती देखील ओलिताखाली आली असल्याचे दिसते. तालुक्यात विहिरींची पाणी पातळी वाढण्यास मदत मिळाली आहे. जलमृदु संधारणामुळे जमिनीची धूप थांबण्यास मदत मिळाली अशा एक ना अनेक कामांनी त्यांनी आदिवासी भागात ठसा निर्माण केला आहे. वन्यप्राणी तस्कर यांना आळा घालुन फरार आरोपी यांना २४ तासात मध्ये शोधुन आणुन जेरबंद करणारे वन परिमंडळ अधिकारी यांना पुरस्कार जाहीर झाल्याबद्दल अभिनंदन होत आहे.
