इगतपुरीनामा न्यूज – राज्याचे कॅबिनेट मंत्री म्हणून शपथ घेतल्याच्या दुग्धशर्करा योगानंतर राष्ट्रवादीचे नेते राज्याचे कॅबिनेट मंत्री ना. छगनराव भुजबळ यांचे आज इगतपुरीत प्रचंड जल्लोषात स्वागत झाले. जिल्ह्याचे प्रवेशद्वार असलेल्या इगतपुरी येथे पदाधिकाऱ्यांसह शेकडो कार्यकर्त्यांनी जंगी स्वागत केले. ढोल-ताशांच्या गजरात, फटाक्यांच्या आतषबाजीत हजारो कार्यकर्त्यांच्या उपस्थितीत झालेल्या या भव्य दिव्य स्वागताने मंत्री भुजबळ भारावले. यावेळी कार्यकर्ते जोरदार घोषणा देत होते ‘भुजबळ साहेब तुम आगे बढो, हम तुम्हारे साथ है अशा जोरदार घोषणाबाजीने कार्यकर्त्यांनी परिसर दुमदुमून सोडला. यावेळी इगतपुरीचे आमदार हिरामण खोसकर, राष्ट्रवादीचे प्रदेश सरचिटणीस गोरख बोडके, मविप्र संचालक राष्ट्रवादी नेते संदीप गुळवे, माजी सभापती ज्ञानेश्वर लहाने, प्रदेश नेते फिरोज पठाण, जेष्ठ नेते जनार्दन मामा माळी, तालुकाध्यक्ष पांडुरंग वारुंगसे आणि महायुतीचे पदाधिकारी व कार्यकर्ते मोठ्या संख्येने हजर होते. इगतपुरी तालुक्याने केलेले भव्य स्वागत आणि उदंड प्रेम यामुळे मी भारावलो आहे. आगामी काळात ह्या मतदारसंघाला विकसित करण्यासाठी सक्रिय राहिल. मी सर्वांचा आभारी आहे अशी प्रतिकिया मंत्री ना. छगनराव भुजबळ यांनी दिली.