इगतपुरीनामा न्यूज – इगतपुरी तालुक्यातील आवळी दुमाला येथे २०१८ ला ५ वर्षाची बालिका घराबाहेर ओट्यावर खेळत असतांना आरोपी तिला चॉकलेट देवुन लैगिक चाळे करण्याच्या उद्देशाने तिला लोकांची नजर चुकवुन घेवुन जात होता. यावेळी तिने मोठमोठ्याने रडण्यास सुरवात केली. यामुळे गावातील लोक जमा होतील या भितीने आरोपीने तिच्या डोक्यात दगड घातला. तरीही तिचा जीव न गेल्याने त्याने तिचा गळा दाबुन जीवे ठार मारले. तिचे प्रेत झाडाखाली खड्डा करुन मातीत पुरुन टाकले. याबाबत घोटी पोलीस स्टेशनने गुन्ह्याचा तपास करुन आरोपी गोपीनाथ दत्तु जमधडे, वय २३, रा.आवळी दुमाला याच्यावर दोषारोपपत्र दाखल केले होते. जिल्हा व सत्र न्यायाधीश श्रीमती रेडडी यांच्या न्यायालयात सुनावणी झाली. न्यायालयाने आरोपी गोपीनाथ दत्तु जमधडे याला भादंविसं कलम ३६३ मध्ये ७ वर्ष, ३०२ मध्ये जन्मठेप,पोस्को ७, ८ मध्ये ५ वर्ष अशी शिक्षा सुनावली आहे. तत्कालीन उपविभागीय पोलीस अधिकारी अतुल झेंडे यांनी तपास केलेला असून त्यांना तत्कालीन प्रभारी अधिकारी पंकज भालेराव, हवालदार शितल गायकवाड यांनी मदत केली. सरकारी अभियोक्ता म्हणुन श्रीमती सांगळे यांनी काम पाहिले. आहे. पोलीस अधिक्षक विक्रम देशमाने, अपर पोलीस अधिक्षक, आदित्य मिरखेलकर, उपविभागीय पोलीस अधिकारी हरीष खेडकर यांच्या सुचनेनुसार घोटीचे प्रभारी अधिकारी विनोद पाटील, हवालदार मारुती बोऱ्हाडे यांनी साक्षीदार यांना मार्गदर्शन केले. न्यायालयात पैरवी अधिकारी म्हणुन एएसआय भोये, हवालदार श्री. आगोणे यांनी मदत केली.
