इगतपुरीनामा न्यूज – नाशिक येथील प्रथम एज्युकेशन फाउंडेशन संस्थेकडून पिंपळगाव डुकरा ग्रामपंचायत पर्यावरण पूरक कामे चांगली करत असल्याने ऑक्सिजन मशीन भेट म्हणुन देण्यात आले. ह्या कामासाठी पिंपळगाव डुकरा ग्रामपंचायतीचे सरपंच, उपसरपंच, सर्व ग्रामपंचायत सदस्य आणि ग्रामसेवक यांचे चांगले सहकार्य लाभले. ही संस्था गावपातळीवर सामाजिक, शैक्षणिक, कौशल्य प्रशिक्षण व रोजगार, आरोग्य, पर्यावरण अशा वेगवेगळ्या माध्यमांवर काम करत असते. याप्रसंगी प्रथम एज्युकेशन फाउंडेशन संस्था नाशिकच्या क्लस्टर हेड दिपाली सातारडेकर, मनिषा म्हसदे इगतपुरी ब्लॉक कोऑर्डिनेटर मनीषा म्हसदे, सरपंच मालन वाकचौरे, ग्रामसेविका हर्षिता पिळोदेकर, उपसरपंच आशा डुकरे, सर्व ग्रामपंचायत सदस्य, ग्रामपंचायत कर्मचारी उपस्थित होते.