इगतपुरीनामा न्यूज, दि. ११ – सरपंच प्रेमी शेतकरी महोत्सवानिमित्त डांगी जनावरांचे भव्य प्रदर्शन २१ ते २३ फेब्रुवारी पर्यंत इगतपुरी तालुक्यातील धामणी येथे आयोजन करण्यात आले आहे. स्वराज्य संघटना प्रेरित शेतकरी महोत्सवानिमित्त ग्रामस्थ, सरपंच, उपसरपंच, सदस्य व मित्रप्रेमी यांच्या संयुक्त विद्यमाने हा कार्यक्रम होत आहे. यावेळी डांगी जनावरांच्या स्पर्धांचेही आयोजन करण्यात आले आहे. प्रदर्शनाचे हे पहिले वर्ष असून मोठ्या प्रमाणात सहभाग नोंदवावा असे आवाहन आयोजक धामणीचे सरपंच तथा स्वराज्य संघटनेचे तालुकाध्यक्ष नारायण भोसले यांनी केले आहे. या प्रदर्शनात प्रमुख मान्यवरांच्या हस्ते बक्षीस वितरणाचा कार्यक्रम होणार आहे. या प्रदर्शनासाठी स्वराज्य संघटनेचे संस्थापक छत्रपती संभाजी राजे भोसले, विधानसभा उपाध्यक्ष नरहरी झिरवाळ, खासदार हेमंत गोडसे, आमदार माणिकराव कोकाटे, आमदार हिरामण खोसकर, माजी आमदार राजाभाऊ वाजे यांच्यासह तालुक्यातील सरपंच उपस्थित राहणार आहेत. ह्या कार्यक्रमात सहभागी व्हावे असे आवाहन माजी सरपंच गौतम भोसले, राजेंद्र भोसले, सदाशिव भोसले, ईश्वर भोसले, भारत सोनवणे, सागर भोसले, भाऊसाहेब भोसले, रतन भोसले, किरण भोसले, बहिरू भोसले, भाऊसाहेब भोसले, भाऊसाहेब घोटे आदींसह समस्त ग्रामस्थ, तरुण मित्र मंडळाने केले आहे.