इगतपुरीनामा न्यूज, दि. १४ – इगतपुरी पोलीस ठाण्याच्या हद्धीत १३ जानेवारीला दुपारी तळेगाव शिवारात ३५ ते ४० वर्षीय अनोळखी पुरुष गळफास घेतलेल्या अवस्थेत सापडला आहे. बोर झाडाच्या फांदीला परवीन कंपनीजवळ लेडीज स्कार्फने गळफास घेतलेल्या स्थितीत तो मिळून आला. इगतपुरी पोलिसांना माहिती समजताच उपचारासाठी त्याला इगतपुरी ग्रामीण रूग्णालयात दाखल केले. मात्र उपचारापुर्वीच तो मयत असल्याचे वैद्यकीय अधिकाऱ्यांनी घोषित केले. इगतपुरी पोलिसांनी अकस्मात मृत्युची नोंद केली आहे. संबंधित अनोळखी व्यक्तीच्या वारसाचा आणि नातेवाईकांचा शोध घेण्यासाठी इगतपुरीचे पोलीस हवालदार मुकेश महीरे नागरिकांना आवाहन केले आहे. या इसमाबाबत अथवा घटनेबाबत अधिक माहिती असल्यास जवळच्या पोलीस ठाण्यात किंवा इगतपुरी पोलिसांना माहिती द्यावी असे आवाहन करण्यात आले आहे.
अनोळखी मयताची उंची १७५ सेंमी, केस काळे, अंगात लाल रंगाचे टी शर्ट, त्यावर राजा इंटरप्राइजेस असे इंग्रजीत लिहिलेले आहे. काळे व राखाडी रंगाचे थंडीचे जॅकेट त्यास मधोमध चेन, लाल व हिरव्या रंगाचे जॅकेट त्यास मधोमध चैन असलेले, राखडी रंगाचे फुल बाहीचे स्वेटर/टिशर्ट चॉकलेटी रंगाची अंडरपॅन्ट, फिकट चॉकलेटी / बदामी रंगाची पॅन्ट, पायात हिरव्या रंगाचा बुट असे मयताचे वर्णन आहे. हा इसम गळफास घेवुन मरण पावला असुन त्याची ओळख पटविणेकामी आणि त्याच्या वारसांचा शोध व्हावा यासाठी इगतपुरी पोलीस अथवा नजिकच्या पोलिसांशी संपर्क साधावा असे आवाहन करण्यात आलेले आहे.