इगतपुरीनामा न्यूज, दि. 12
मुंबई आग्रा महामार्गावर आज सकाळी पावणेनऊ वाजता वाडीवऱ्हेकडून नाशिककडे जाणाऱ्या मोटारसायकलचे वेगावरील नियंत्रण सुटल्याने अपघात झाला. मोटारसायकल क्रमांक MH 15 HR 1130 ही मोटारसायकल वालदेवी पुलाजवळ अपघातग्रस्त झाली. या अपघातात
राजेंद्र गजीराम शेंडगे वय 22 रा. मोडाळे ता. इगतपुरी हा युवक गंभीर झाला. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन जखमीला नाशिकच्या खासगी रुग्णालयात दाखल केले आहे. मुंबई आग्रा महामार्गावर ठिकठिकाणी खड्डे पडले असल्याने खड्डे चुकवण्याच्या नादात वेगावरील वाहनांचे नियंत्रण सुटते. यामुळे रोजच अपघात होत आहेत. काल सुद्धा असा अपघात होऊन आंबेवाडी येथील 2 जण गंभीर जखमी झाले आहेत. त्यांना सुद्धा जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेने रुग्णालयात पोहचवले. विश्वास लालु केकरे वय 20, युवराज निवृत्ती केकरे वय 23 रा. आंबेवाडी अशी कालच्या अपघातातील जखमींची नावे आहेत.