इगतपुरीनामा न्यूज, दि. 8
इगतपुरी रेल्वे स्थानकाजवळ मालगाडीचा धक्का लागून 1 युवक ठार झाल्याची घटना घडली आहे. रेल्वेचे रूळ ओलांडताना येणाऱ्या मालगाडीचा अंदाज न आल्याने मालगाडीचा जोरदार धक्का बसल्याने तो ठार झाला. जितू सुखिनंद तिवारी रा. मध्यप्रदेश असे मयत युवकाचे नाव असून इगतपुरी येथील दुबेजीज फास्ट फूडमध्ये कामाला होता. इगतपुरी लोहमार्ग पोलीस ठाण्यात अकस्मात मृत्यूची नोंद करण्यात आली असून पोलिसांनी तपास सुरु केला आहे.