रायगडनगर भागात मोटारसायकल अपघातात विल्होळी येथील २ युवक जखमी : नरेंद्राचार्य रुग्णवाहिकेच्या तत्परतेने बचावला जीव

इगतपुरीनामा न्यूज, दि. २१

मुंबई आग्रा महामार्गावर अपघातांची संख्या थांबण्याऐवजी रोज वाढतच आहे. रायगडनगर जवळ आज दुपारी पावणेएक वाजता मोटारसायकलने डिव्हाइडरला धडक दिल्याने अपघात झाला. ह्या अपघातात विल्होळी येथील २ युवक जखमी झाले आहेत. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन जखमींना नाशिकच्या जिल्हा शासकीय रुग्णालयात दाखल केले आहे. MH 03 BZ 2670 या मोटारसायकलने डिव्हाइडरला धडकवल्याने गोरख शिवाजी गांगुर्डे वय 25, नवनाथ पोपट मुंडे वय 23 दोघे रा. विल्होळी हे जखमी झाले. जगद्गुरू नरेंद्राचार्य महाराज संस्थान रुग्णवाहिकेच्या मोफत सेवेमुळे त्यांचा जीव वाचवायला मदत झाली.