इगतपुरीनामा न्यूज – इगतपुरी तालुक्यातील आडवण येथील ५६ वर्षीय व्यक्ती बेपत्ता झाल्याची घटना समोर आली आहे. याप्रकरणी इगतपुरी पोलीस ठाण्यात खबर देण्यात आली आहे. रोहिदास त्र्यंबक शेलार यांनी दिलेल्या खबरीनुसार, त्यांचे वडील त्र्यंबक धोंडु शेलार (वय ५६ वर्षे) हे २६ जुलैला सकाळी ७ वाजण्याच्या सुमारास कावीळीचे औषध घेण्यासाठी घोटी येथे जातो असे सांगून घरून निघून गेले होते. फिर्यादी रोहिदास शेलार हे पंढरपूरहून घरी परतले असता, त्यांच्या आईने वडील अद्याप घरी परतले नसल्याचे सांगितले. वडिलांच्या मित्रांकडे आणि नातेवाईकांकडे चौकशी केल्यानंतर सर्वत्र शोध घेऊनही त्र्यंबक शेलार यांचा कुठेही शोध लागला नाही. बेपत्ता त्र्यंबक धोंडु शेलार यांचे वय ५६ वर्षे असून उंची ५ फूट ३ इंच आहे. गोरा रंग, मध्यम बांधा, पांढरे केस, पसरट नाक, गोल चेहरा, पांढरी व बारीक वाढलेली दाढी, अंगात पांढऱ्या रंगाचा शर्ट व पायजमा, गळ्यात तुळशीमाळ, पायात काळ्या रंगाचे बूट असून मराठी बोलतात. याप्रकरणी इगतपुरी पोलिसांनी पुढील तपास सुरू केला आहे. त्र्यंबक धोंडु शेलार यांच्याविषयी काही माहिती मिळाल्यास 9527026339, 9049290454, 9765559844, 8788518805 यावर किंवा जवळच्या पोलीस ठाण्यात संपर्क साधण्याचे आवाहन करण्यात आले आहे.
