इगतपुरीनामा न्यूज – भरधाव ट्रकने मागून धडक दिल्याने दुचाकीस्वार युवक ठार झाल्याची घटना आज टाके घोटी गावाजवळ घडली. नाशिक मुंबई लेंवर हॉटेल ग्रँड परिवार समोर ही दुर्घटना घडली. यामध्ये मोटर सायकल चालक शुभम जमधडे वय २२ वर्ष रा. आवळी बुद्रुक ता. इगतपुरी हा युवक ठार झाला. शुभम हा इगतपुरी येथील महिंद्रा कंपनीत कामाला चालला होता. नाशिकहून मुंबईच्या दिशेेने जात असतांना मागून आलेल्या भरधाव ट्रकने त्याला धडक दिली. यामुळे तो खाली पडल्याने त्याच्या अंगावरून ट्रकचे चाक गेल्याने तो जागीच ठार झाला. ट्रक चालक हरप्रीत सिंग विक्रम सिंग कल्पित वय ४० वर्ष रा. इंदोर मध्य प्रदेश याच्या विरोधात इगतपुरी पोलीस ठाण्यात गुन्हा दाखल करण्यात आला आहे. या घटनेमुळे आवळी दुमाला गावात शोककळा पसरली आहे. व्हिडिओ बातमी पहा https://youtube.com/shorts/HQzYwtJ26hM?si=-cNs8gfBjb0lsDL8
