इगतपुरीनामा न्यूज – इगतपुरी येथे ६ वर्षीय बालिकेच्या गुप्त भागावर हात फिरवणाऱ्या १ जणासह याबाबत कोणाला काही न सांगणाऱ्या ३ जणांवर इगतपुरी पोलीस ठाण्यात गुन्हा दाखल करण्यात आला आहे. शुक्रवारी ६ मार्चला दुपारी अडीचच्या सुमारास ही घटना घडली. बालकाचे लैंगिक अत्याचारा पासुन संरक्षण कायदा सन २०१२ चे कलम ८,२१ व भारतीय न्याय संहिता कलम ११५ ( २ ) प्रमाणे गुन्हा दाखल केला आहे. याबाबत नाशिकच्या भारत नगर येथील २८ वर्षीय महिलेने फिर्याद दिली आहे. अधिक माहिती अशी की, फिर्यादी महिला आपल्या ६ वर्षीय बालिकेला घेऊन इगतपुरी येथे आली होती. आरोपी तबसुन जाकिर शेख हिने त्या बालिकेला माझे घरी घेवुन जाते असे सांगुन इगतपुरीला घेवुन आली. यावेळी आरोपी सलमान युनुस शेख याने त्या ६ वर्षीय अल्पवयीन बालिकेच्या गुप्त भागावर हात फिरवला. तिने हात फिरवण्यास नकार दिला म्हणून तिला मारहाण करून शिव्या दिल्या. आरोपी आयान जाकिर शेख यानेही तिला हाताच्या चापटीने मारहाण केली. आरोपी तबसुन जाकिर शेख, निगार सलमान शेख यांना याबाबत माहीत असतांना त्यांनी याबाबत कोणाला काही सांगितले नाही. म्हणून या सर्वांवर गुन्हा दाखल झाला आहे. इगतपुरी पोलीस पुढील तपास करीत आहेत.
