भास्कर सोनवणे : इगतपुरीनामा न्यूज – नुसता वास आला तरी खाण्याची तीव्र इच्छा होईल असं चुलीवर शिजवलेलं घरगुती काळ्या मसाल्यातील तर्रीदार लुसलुशीत मटण, यासोबत चुलीवरच भाजलेली बाजरीची भाकरी किंवा स्वतःच्या शेतातील गव्हाची चपाती, तोंडी लावायला झिंग्याची विशेष चटणी, चवीला कांदा, लिंबू अन् अनलिमिटेड चवदार रस्सा असं वर्णन ऐकल्यावर तोंडाला पाणी सुटल्याशिवाय राहणार नाही. अशी सुप्रसिद्ध मटण भाकरी इगतपुरी तालुक्यात फक्त तात्याश्री मटण भाकरी ह्या एकमेव हॉटेलात मिळते. म्हणूनच मटण खाणाऱ्या खवय्यांची प्रथम पसंती असणारे तात्याश्री मटन भाकरी हे हॉटेल चोखंदळ मटणप्रेमी चाहत्यांच्या गर्दीने कायमच ओसंडून भरलेले असते. घोटीपासून सिन्नर शिर्डीकडे जाणाऱ्या महामार्गावर एसएमबीटी रुग्णालयाच्या पुढे साकुर फाट्यावर असणारे हे हॉटेल सोमनाथ तानाजी बऱ्हे हा युवक गेल्या ३ वर्षांपासून चालवत आहे. पत्नी अनिता सोमनाथ बऱ्हे हिचे त्यांना सहकार्य असते. ह्या सुगरण अन्नपूर्णेच्या हातूनच बनवलेले चविष्ट आणि पाचक घरगुती मसाले लोकांना वारंवार मटण भाकरी खाण्यासाठी प्रवृत्त करतात. छत्रपती शिवरायांच्या विचारांवर अपार श्रद्धा असणारा अधरवड, ता. इगतपुरी येथील हा बऱ्हे परिवार तात्याश्री मटण भाकरी हॉटेलच्या माध्यमातून यशस्वी उद्योजक बनला आहे. वडील तानाजी महादू बऱ्हे आणि आई हौसाबाई यांचा आशीर्वाद, मढीच्या कान्होबाची विशेष कृपा याच्या जोरावर लवकरच नाशिक शहरातील खवय्यांसाठी तात्याश्री मटण भाकरीची शाखा सुरु होणार आहे. साकुर फाट्यावर हॉटेल तात्याश्रीची मटण भाकरी खाल्ल्यावर वारंवार हॉटेलला भेट दिल्याशिवाय राहणार नाही. सोमनाथ बऱ्हे यांच्या ७५०७०३६४९९ ह्या क्रमांकावर संपर्क साधता येईल.
सगळीकडे मटण भाकरीचा मोठा शौकीनवर्ग आहे. प्रवासात दर्जेदार विश्वासू आणि जिभेची हौस पुरवणाऱ्या मटण भाकरीचे हॉटेल शोधावे लागते. साकुर फाट्यावरील तात्याश्री मटण भाकरी ह्या भन्नाट हॉटेलात एकदा मटण भाकरी खाल्ली की हा शोध संपतो. तात्याश्री हॉटेलचे नावं घेतल्याशिवाय ‘मटण भाकरी’ हा विषय पूर्ण होत नाही. म्हणूनच ह्या भागातून जातांना हॉटेल तात्याश्री मटण भाकरी हॉटेलला विसरणं अशक्य आहे. नॉनव्हेज खाणाऱ्यांमध्ये घरगुती काळ्या मसाल्यात बनवलेल्या मटणाचे चाहते जास्तच. चाहत्यांच्या आवडीनिवडी ओळखूनच तात्याश्री हॉटेलच्या मटण भाकरीची चवदार खासियत निश्चित करण्यात आलेली आहे. हॉटेलचे संचालक सोमनाथ बऱ्हे, त्यांची पत्नी अनिता बऱ्हे स्वतः जातीने लक्ष घालून खवय्यांची पहिली पसंती असणारी मटण भाकरी ग्राहकांना पुरवतात. विशेष लक्ष घालून बोकडाचे ताजे मटण विशिष्ट ठिकाणावरून आणले जाते. चटकदार मटण तयार करण्याचे काम अनिता बऱ्हे याच करतात. मटणाला लागणाऱ्या घरगुती मसाल्यापासून मटण तयार होईपर्यंत अनिताताई लक्ष घालतात. मटणाला लागणारा मसाला तयार करण्याचे कौशल्य त्यांचेच आहे. मसाल्यासोबत आलं, कांदा, मिरची व लसणाची पेस्ट टाकली जाते. घरीच बनवलेल्या मसाल्यात सुके खोबरे, दगडफूल, तमालपत्र, धणे, वेलची, जायफळ, तेजपानसारख्या खड्या मसाल्यांचा समावेश असल्याने चवीत झणझणीतपणा तर येतोच शिवाय वेगळा सुगंध दरवळतो. त्यानंतर या मसाल्यात मटण न शिजवता टाकलं जातं. अनेक ठिकाणी मटण आधी वेगळं उकडून घेतात पण तात्याश्री हॉटेलात तसे केले जात नाही. ‘मटण आधी उकडून घेतलं तर त्याच्यातला अर्क संपूर्ण भाजीत मिसळत नसल्याने मटण उकडून भाजी करण्यापेक्षा मटण थेट भाजीत शिजवलेलं चांगलं’ असं अनिता बऱ्हे मानतात. गिऱ्हाईकांच्या आवडीनुसार मटणाचा तिखटपणा ठरतो. मात्र मध्यम चवीच्या मटणासोबत खरपूस भाजलेल्या भाकरीला चुरून खाण्याची मजा वेगळीच असते. सोबत अनलिमिटेड मिळणारा तर्रीयुक्त रस्सा पिल्याशिवाय जेवण झाल्यासारखे वाटणारच नाही. इथला रस्सा प्यायल्या तरी जळजळ होत नाही हे विशेष. इगतपुरीच्या प्रसिद्ध इंद्रायणी तांदळाचा गरम भात मटण भाकरीला चार चांद लावतो.
