इगतपुरीनामा न्यूज – आगामी स्थानिक स्वराज्य संस्था व महानगरपालिका निवडणुकीच्या पार्श्वभूमीवर भाजपने सदस्य नोंदणी व पक्षप्रवेश अभियान सुरू केले आहे. या अनुषंगाने इगतपुरी तालुका पूर्व भागाची भाजपची कार्यशाळा उत्साहात झाली. त्यात पक्ष संघटन व पदाधिकारी यांच्या नियुक्त्या वाटप करण्यात आल्या. पूर्व विभागाचे तालुकाध्यक्ष भाऊसाहेब धोंगडे यांनी कार्यक्रमाचे आयोजन केले होते. अध्यक्षस्थानी भाजपचे जिल्हाध्यक्ष सुनील बच्छाव होते. यावेळी भाजप उद्योग आघाडीच्या तालुकाध्यपदी राहुल मोहिते यांची निवड झाली. नवनिर्वाचित तालुकाध्यक्ष मोहिते यांनी आपली कार्यकारिणी लगेच जाहीर केली. यात कामगार आघाडी तालुकाध्यक्षपदी हेमंत तोकडे, तालुका उपाध्यक्षपदी विठोबा तोकडे, तालुका सरचिटणीसपदी रवींद्र लोते, उद्योग आघाडी तालुका उपाध्यक्षपदी राजाराम शिंदे, उद्योग आघाडीच्या सरचिटणीसपदी उमेश बोराडे, उद्योग आघाडी तालुका उपाध्यक्ष अनिल तोकडे यांची निवड करण्यात आली. याप्रसंगी जिल्हा उपाध्यक्ष भाऊसाहेब कडभाने, पंचायत राज व ग्रामविकास जिल्हाध्यक्ष तानाजी जाधव, युवा मोर्चाचे तालुकाध्यक्ष सागर नाठे, भाजप तालुकाध्यक्ष भाऊसाहेब धोंगडे, युवा मोर्चाचे जिल्हा महामंत्री ॲड. अभिमन्यू गोवर्धने यांच्यासह पदाधिकारी व कार्यकर्ते उपस्थित होते.
