इगतपुरीनामा न्यूज – गरुडेश्वर येथील ओम तपोनिधी प. पू. संत सद्गुरू श्री स्वामी अक्षय महाराज आश्रमात शंभुवाणी ट्रस्टच्या वतीने पोर्णिमेनिमित्त मनोकामेष्टी यज्ञाचे आयोजन करण्यात आले होते. संत सद्गुरू श्री स्वामी अक्षय महाराज यांच्या आशीर्वादाने पार पडलेल्या यज्ञाची पूजा, हवन शिवमंडल महाराज, शिवसागर महाराज, जयराम पुजारी, दीदी माँ यांनी केली. यज्ञ यजमान म्हणूम संपत गुंजाळ आणि परिवाराला मान मिळाला. या मनोकामेष्टी यज्ञासाठी विविध भागातून भाविक भक्त मोठ्या संख्येने उपस्थित होते. भाविक भक्तांनी यज्ञ आशीर्वाद व महाप्रसादाचा लाभ घेतला. दर पौर्णिमेच्या दिवशी यज्ञाचे आयोजन केले जाते. भाविकांची श्रद्धा असल्याने दूरवरून ह्या आश्रमात भाविक दाखल होतात. यामुळे परिसर भक्तिमय होऊन जातो.
