प्रभाकर आवारी : इगतपुरीनामा न्यूज, दि. ९
मराठा विद्या प्रसारक शिक्षण संस्थेच्या पंचवार्षिक निवडणुकीत मोठ्या मताधिक्याने विजयी झालेले इगतपुरी तालुक्याचे नवनिर्वाचित संचालक ॲड. संदीप गुळवे यांचा उद्या शनिवारी घोटी-आडवण रस्त्यावरील मातोश्री लॉन्स येथे नागरी सत्कार सोहळा होणार आहे. दुपारी ४ वाजता इगतपुरी तालुक्यातील मराठा समाजाच्यावतीने ह्या भव्य नागरी सत्कार समारंभाचे आयोजन केले असल्याची माहिती आयोजकांनी दिली.
रयत शिक्षण संस्थेनंतर राज्यात दुसऱ्या क्रमांकाची सर्वात मोठी शिक्षण संस्था असलेल्या मराठा विद्या प्रसारक संस्थेच्या पंचवार्षिक निवडणुकीत परिवर्तन पॅनलकडून माजी जिल्हा परिषद सदस्य तथा जिल्हा बँकेचे माजी संचालक ॲड. संदीप गुळवे यांचा मोठ्या मताधिक्याने विजय झाला. त्याबद्दल इगतपुरी तालुक्यातील मराठा समाजातर्फे ॲड. संदीप गुळवे यांचा उद्या घोटी-आडवण रस्त्यावरील मातोश्री लॉन्स येथे दुपारी ४ वाजता नागरी सत्कार सोहळा आयोजित केला असुन इगतपुरी तालुकावासीयांनी मोठ्या संख्येने उपस्थित राहण्याचे आवाहन आयोजकांनी केले आहे.