रायगडनगर जवळ मोटार सायकल अपघातात दिंडोरी तालुक्यातील तिघे जखमी : यामध्ये पत्नी गंभीर तर पती आणि ५ वर्षाचा मुलगा किरकोळ जखमी

इगतपुरीनामा न्यूज, दि. २०

मुंबई आग्रा महामार्गावर नाशिककडून मुंबईच्या दिशेने येत असताना रायगडनगर जवळ मोटारसायकल घसरल्याने अपघात झाला. ही घटना आज दुपारी सव्वादोनच्या सुमाराला घडली. या अपघातात मोटारसायकल वरील महिला गंभीर जखमी झाली असून तिचा पती आणि मुलगाही किरकोळ जखमी झाला आहे. जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड यांनी समयसुचकतेने अपघातस्थळी दाखल होऊन सर्व जखमींना नाशिकच्या जिल्हा शासकीय रुग्णालयात दाखल केले आहे.

ह्या अपघातात नव्या मोटारसायकलीवरील सुनिता रविंद्र जाधव वय 32 ह्या गंभीर जखमी झाल्या आहेत. त्यांचे पती रविंद्र लक्ष्मण जाधव वय 42, मुलगा कार्तिक रवींद्र जाधव वय ५ हे दोघे किरकोळ जखमी झाले. याबाबत माहिती समजताच
जगद्गुरू नरेंद्राचार्य महाराज संस्थान नानिज धाम मोफत रुग्णवाहिकेचे रुग्णमित्र निवृत्ती पाटील गुंड अपघातस्थळी दाखल झाले. त्यांनी सर्व जखमींना नाशिकच्या जिल्हा शासकीय रुग्णालयात दाखल केले आहे. ह्या अपघातातील सर्वजण दिंडोरी तालुक्यातील तळेगाव येथील रहिवासी असल्याचे समजते.